کۆمپانیاى ئۆوشن گەیت، خاوەنى ژێردەریایی تیتان تەواوى کارەکانى راگرت
پەیامی کورد... کۆمپانیاى ئۆوشن گەیت، خاوەنى ژێردەریایی تیتان تەواوى کارەکانى راگرت
کۆمپانیاى ئۆوشن گەیت کە خاوەندارێتى ژێردەریایی تیتانى دەکرد، تەواوى پەڕەکانى لە تەواوى تۆڕە کۆمەڵایەتییەکان داخست و کارەکانیشى راگرت.
کۆمپانیاى ئۆوشن گەیت لە راگەیەنراوێکدا نوسیویەتى:"تەواوى لێکۆڵینەوە و بەبازاڕکردن و جوڵەى بازرگانى کۆمپانیاکەمان راگرتوە.
لەگەڵ ئەوەى جوڵەکانى کۆمپانیاکە وەستا، تەواوى لاپەڕەى کۆمپانیاکەش لە تۆڕى کۆمەڵایەتیی تویتەر و ئینستاگرام و فەیسبوک و یوتوب و لینکد ئین، سڕاونەتەوە.
ونبون و پاشان دۆزینەوەى پارچەکانى ژێردەریایی تیتان لە جیهاندا دەنگى دایەوە، کاتێک بە گەشتێکى ژێردەریایی و بە نیازى بینینى پاشماوەى کەشتى تایتانیک پێنج کەسایەتى ناسراو و دەوڵەمەندى جیهان گیانیان لەدەستدا و دواى چوار رۆژ بێ ئەوەى تەرمەکانیان بدۆزرێتەوە تەنها چەند پارچەیەکى تێکشکاوى ژێردەریاییەکە دۆزرایەوە کە خاوەندارییەکەى بۆ کۆمپانیاى ئۆوشن گەیت دەگەڕایەوە.