ئیمارات سەرکەوتنی بە سەر ڤایرۆسی کۆرۆنا ڕاگەیاند
پەیامی کورد … ئیمارات سەرکەوتنی بە سەر ڤایرۆسی کۆرۆنا ڕاگەیاند
جێنشینی ئەبوزەبی و جێگری فەرماندەی باڵای هێزە چەكدارەكانی ئیمارات، كۆتایی هاتنی ڤایرۆسی كۆرۆنای لەو وڵاتە ڕاگەیاند.
لەمبارەیەوە ئاژانسی هەواڵی فەرمی ئیماراتی (وام) لە زاری شێخ محەمەد بن زاید ئال نەهیان جێنشینی ئەبوزەبی و جێگری فەرماندەی باڵای هێزە چەكدارەكانی ئیمارات بڵاویكردووەتەوە و ڕایگەیاندووە، كە “لە قەیرانی كۆرۆنا دەرچووین و چەندین وانە و تاقیكردنەوە فێربووین”.
ئەوەشی وتوە: “سوپاس بۆ خودا بۆ سەرەتای گەڕانەوەی ژیانی ئاسایی لە دەوڵەتی ئیماراتدا، مژدە دەدەین كە بارودۆخی تەندروستی ئیمارات سروشتییە”.
وتویەتیشی: “بەڵام ئەگەری هەیە چەند خوییەك بگۆڕین، وەك كار و خوێندن، هەر چۆنێك بێت سوپاس بۆ خودا بە پارێزراوی و خێر و سەربەرزییەوە لەو قەیرانە دەرچووین، باجی تاقیكردنەوەكەماندا، بەڵام زۆر فێربووین”