١٣ملیۆن کەس لە ئێراندا سەڵتن
پەیامی کورد... ١٣ملیۆن کەس لە ئێراندا سەڵتن
لە سەددا ٥٥ی ئەو ژنانەی جارێک هاوسەر گیریان کردووە نایانەوێت هاوسەرگیری بکەنەوە.
سەرۆکی زانکۆی زانستی پزیشکیی بێهێشتی لە تاران دەڵێت: ١٣ ملیۆن لاوی سەڵت لە وڵاتدا هەیە و یەک لەسەر سێی ژنانی ئێرانی یان هاوسەرگیرییان نەکردووە یان منداڵیان نییە و یان تاقە منداڵێکیان هەیە.
لەو ١٣ملیۆن کەسە، نزیک بە ٥ ملیۆن کەس ژنانن و لە سەددا ٥٥ی ئەو ژنانەی جارێک هاوسەر گیریان کردووە، جارێکی تر هاوسەرگیری ناکەنەوە.
لە هەر وڵاتێک کە هیوا بە ژیان نەما و تەنگ و چەڵەمی هەژاری، بێکاری، گرانی، هەڵاوسان، نەبوونی ئازادییە تاکەکەسییەکان و چەند هۆکاری دیکە پێکەوە هاندەر دەبن کە پێکهێنانی ژیانی هاوبەش بۆ تاکەکان ئەستەم بیت، لە ئێرانی ژێر دەسەڵاتی ئاخوندەکاندا بەهۆی دیکتاتۆریی، گەندەڵی و فەساد، ئاسوودەیی و هیوا بە ژیان و تەناهی بۆ تاک نەماوە، کۆمەڵگەی ئێران تووشی دیاردەی جۆراوجۆری وەک پێک نەهێنانی ژیانی هاوبەش (سەڵتی)، کۆچی گەنجان، خۆکوشتن، لەشفرۆشی و،،، هتد بووەتەوە.