مووشەکی " ئارۆ - ٣ " ی ئیسرائیل بە سەرکەوتوویی تاقیکرایەوە
پەیامی کورد ... بە پێی ڕاگەێندراوی وەزارەتی شەڕی ئیسرائیل ، ئەم وەزارەتخانەیە بە هاوکاری ئاژانسی بەرگری مووشەکی ئەمریکا سامانەی " ئارۆ - ٣ " بە سەرکەوتوویی تاقیکردەوە .
بە پیی ڕاپۆرتێک لە ئاژانسی هەواڵی شینهۆوا ، سامانەی " ئارۆ - ٣ " توانایی هەیە مووشەکە بەلستیکییەکان لە کاتێکدا کە لە گەردووندایە بدۆزێتەوە ، کە لە لایەن ئەمریکا و ئیسرائیلەوە درووست کراوە .
وەزارەتی بەرگری ئیسرائیل ڕایگەیاند کە ئەم تاقیکردنەوە لە ناوندی ئیسرائیل و لە کاتژمێر ٢:٣٠ خولەک دا بە کاتی مەحەلی ڕوویداوە .
لە بەیاننامەی وەزارەتی شەڕی ئیسرائیل دا هاتووە : " وەزارەتی بەرگری بە هاوکاری ئاژانسیی بەرگری مووشەکی ئەمریکا مووشەکێکی دۆزینەوەی " ئارۆ - ٣ " هاوێشتووە و ئۆپراسیۆنەکەی بە سەرکەوتوویی ئەنجام بوو .
دوو تاقیکردنەوەی دیکە کەلە مانگەکانی ڕابردوودا ئەنجام درابوون کە لە خولەکەکانی کۆتاییدا هەڵوەشایەوە ، یەکێک لەوانە بە هۆی هەڵە لە گواستنەوەی داتا و ئەوی دیکەش بە هۆی نیگەرانییە ئەمنییەتییەکانەوە هەڵوەشایەوە .
" ئارۆ - ٣ " پێشکەوترین سیستەمی بەرگری مووشەکی ئیسرائیل هەژمار دەکرێت .
ئەم مووشەکە بەشێک لە سیستەمی بەرگری چەند لایەی ئیسرائیل ە کە بریتییە لە " گومبەدێکی ئاسنین " ، سیستەمێک کە مووشەک گەلی بە بۆردی کورت لە غەززە دەدۆزێتەوە ، " فلاخن داوود " کە بۆ مووشەک گەلی نێوان بەری حزبۆڵڵای لوبنانە و " ئارۆ - ٣ " ش کە مووشەک گەلی دووربۆردی بالستیکی دەدۆزێتەوە .