ئەمریکا گەمارۆگەلێکی نوێی لە دژی ڕژیمی سووریا ڕاگەیاند
پەیامی کورد ... ئەمریکا گەمارۆگەلێکی نوێی لە دژی ڕژیمی سووریا ڕاگەیاند .
وەزارەتی خەزێنەداری ئەمریکا ڕایگەیاند گەمارۆگەلیکی نوێی لە دژی هەندێک کەسی نزیک بە بەشار ئەسەد ، سەرۆککۆماری سووریا و پاڵپشتیکەرانی دەوڵەتەکەی ئەو پەسەند کردووە .
بە پێی ڕاپۆرتێک وەزارەتی خەزێنەداری ئەمریکا ئەمڕۆ پێنجشەممە ڕایگەیاند گەمارۆگەلێکی نوێی لە دژی هەندێک لە کەسە نزیکەکانی " بەشار ئەسەد " سەرۆککۆماری سووریا و پاڵپشتیکەرانی دەوڵەتەکەی ئەو پەسەند کردووە .
ئەم وەزارەتخانەیە لە بەیاننامەیەکدا ڕایگەیاند : هاودەستەکانی سەرۆککۆماری سووریا و دەفتەری سەرۆککۆماری سووریا و حزبی بەعث ی سووریا لە لیستەی گەمارۆوەکانی ئەم ووڵاتەدا دانران .
خەزێنەداری ئەمریکا هەروەها پاڵپشتکەرانی دەوڵەتی سووریا و فەرماندەکانی سەربازی سووریای لەم لیستەیەدا پەسەند کردووە .
کەناڵی العربیە لەمبارەیەوە نووسی : " یاسر ئیبراهیم " دەستیاری سەرۆککۆماری سووریا و " لۆنا الشبل " ڕاوێژکاری میدیایی بەشار ئەسەد و " موحەمەد عەممار ئەلساعاتی " یەکێک لە بەرپرسانی حزبی بەعث لەو کەسانەیە کە لە لیستەی گەمارۆوەکانی ئەمریکا دا دانراوە .