ئەمریکا ٢٤ کاتژمێر مۆڵەتی بە وڵاتێکی ئەفریقی داوە
پەیامی کورد ... ئەمریکا ٢٤ کاتژمێر مۆڵەتی بە وڵاتێکی ئەفریقی داوە
بەگوێرەی هەواڵێك كە بەرەبەیانی ئەمڕۆ پێنجشەممە ١٥ی تشرینی یەكەم میدیاكانی سودان بڵاوییان كردووەتەوە، ئەمریكا گوشاریخستووەتە سەر ئەو وڵاتە و ماوەی ٢٤ كاتژمێری بۆ دیاریكردووە كە وەڵامی بداتەوە لەوەی "ناوی وڵاتەكە لە لیستی تیرۆر دەربكرێت و بچێنە نێو ڕێككەوتنەكەی ئیسرائیل-ەوە".
ئەوەش لەكاتێكدا مانگی پێشوو، میدیا ئیسرائیلییەكان ئەوەیان بڵاوكردەوە، خواستێك هەیە بۆ گرێدانی "كۆبوونەوەی سێقۆڵی نێوان بەرپرسانی ئەمریكی و ئیماراتی و سودانی، بۆ ئەوەی ڕێككەوتنی ئاساییكردنی پەیوەندییەكان لەنێوان خەرتوم و تەلئەڤیڤ واژوو بكرێت".
ئاماژە بەوەشكراوە، دۆناڵد ترەمپ، سەرۆكی ئەمریكا ماوەیەكە گوشارەکانی لەسەر سودان بەردەوامییان هەیە، بۆ ئەوەی پەلكێشی نێو ئەو ڕێككەوتنەی بكات و لەبەرامبەردا ناوی وڵاتەكە لە لیستی تیرۆر دەربهێنێت.
تا ئێستا ڕێككەوتنی ئاساییكردنەوەی پەیوەندییەكان لەگەڵ ئیسرائیل لەلایەن دوو وڵاتی عەرەبییەوە واژوو كراوە كە هەریەك لە قەتەر و ئیماراتن.