ڕێکەوتنی ئاڵمانیا ، بەریتانیا و فەڕەنسا ، گاردیەن : ترامپ لە بەریتانیا تووڕە دەبێت
پەیامی کورد ... ڕێکەوتنی ئاڵمانیا ، بەریتانیا و فەڕەنسا ، گاردیەن : ترامپ لە بەریتانیا تووڕە دەبێت .
وەزیرانی دەرەوەی وولاتانی بەریتانیا ، فەڕەنسا و ئاڵمانیا لە ڕێکەوتنێکدا داواکەی ویلایەتەیەکگرتووەکانیان دەربارەی گەمارۆدانی ئێران و سەپاندنی مێکانیزمی ماشەیان ڕەت کردەوە .
بە پێی ڕاپۆرتێک لە گاردیەنەوە ، وەزیرانی دەرەوەی بەریتانای ، فەڕەنسا و ئاڵمانیا ڕێکەوتنیان ئەنجامدا کە سەرەڕای فشارە زۆرەکانی ویلایەتەیەکگرتووەکان بۆ هەماهەنگی لەگەل داواکارییەکانی سەبارەت بە سەپاندنی هەموو گەمارۆوەکان لە دژی ئێران دژایەتی خۆیانیان ڕاگەیاند .
مانگی ڕابردوو ویلایەتەیەکگرتووەکان لە شەورای ئەمنییەتی نەتەوەیەکگرتووەکان ڕایگەیاند کە بە نیازە جارێکی دیکە گەمارۆوە ئەتۆمییەکانی ئێران لە سەر پێگەی مێکانیزمی ماشە بگەڕێنێتەوە .
بە پێی ئەم ڕاپۆرتە ، وەزیری دەرەوەی بەریتانیا دۆمینیک ڕاب لەگەڵ هاوتا ئاڵمانی و فەڕەنسەوەییەکەی خۆی دانیشتنێکی لە کێنتی بەریتانیا بەڕێوە برد و ئەم وولاتانە دژایەتی خۆیانیان لەگەڵ مێکانیزمی ماشە ڕاگەیاند .
دیپلۆماتەکانی ئەورووپا دەڵێن ، بەریتانیا بە دوای ڕێکەتنی تیجارەتی ئازادە لەگەڵ ویلایەتەیەکگرتووەکاندا و سەرپێچی لە ڕاوبۆچوونی ئەمریکا دەتوانێ گورزێکی بەهێز و لەناکاو بگەێنێتە ئەم ووڵاتە و تۆڕەیی ترامپ هەڵگیرسێنێت .
لە دانیشتنەدا وەزیری کاروباری دەرەوەی ئاڵمانیا جەختی کردەوە ، ئەوان لەگەڵ هەوڵەکانی ئەمریکا دژایەتی دەکەن و هەروەها لە سەر پاراستنی ڕێکەوتننامە ئەتۆمییەکە لەگەڵ ئێران پابەندن .
بەڵام ڕاشیانگەیاند کە : ئێران دەبێ بەپەلە بگەڕێتەوە سەر جیبەجێ کردنی تەواوی ڕێکەوتنەکەی خۆی لە بەرجام دا .