Cîhan
ئێران: بە هیچ جۆرێک دەستبەرداری داواکارییەکانمان لە دانوستانە ئەتۆمییەکان نابین
پەیامی کورد... ئێران: بە هیچ جۆرێک دەستبەرداری داواکارییەکانمان لە دانوستانە ئەتۆمییەکان نابین
وتەبێژی لیژنەی ئاسایشی نیشتمانی و سیاسەتی دەرەوە لە پەرلەمانی ئێران رایدەگەیەنێت، ھیچ سازش و پاشەکشەیەک لە داواکارییەکانی پەیوەست بە دانوستانە ئەتۆمییەکان ناکەن.
ئەبو فەزڵ عەموئی، وتەبێژی لیژنەی ئاسایشی نێشتیمانی و سیاسەتی دەرەوەی پەرلەمانی ئێران بە میدیای وڵاتەکەی راگەیاند، شیکردنەوەی ئەوروپییەکان بۆ رەوشی ناوخۆی ئێران ورد نییە و وێنەیەکی ھەڵەیان دروستکردووە لەبارەی ئەوەی ئێران ئامادەیە لە دانوستانە ئەتۆمییەکاندا سازش بکات.
جەختیشی کردەوە لەوەی، پلانی کاری ھاوبەشی گشتگیر لەنێوان ئێران و گروپی 5+1 ھێشتا ماوە و گەڕانەوەی ئێران بۆ رێککەوتنی ئەتۆمی بەندە بە رادەی جێبەجێکردنی داواکارییەکانیان لە لایەن ئەمریکاوە.