ئێران باس لە دەستبەسەر کردنی چەندین سیخوڕ لە سێ وەزارتی ئەو وڵاتە دەکا

پەیامی کورد ... ئێران باس لە دەستبەسەر کردنی چەندین سیخوڕ لە سێ وەزارتی ئەو وڵاتە دەکا

وەزارەتی دادی ئێران ڕایگەیاند کە ژمارەیەک "سیخوڕ"ی ئەمریکا، ئیسرائیل و بەریتانیای کە لە وەزارەتی دەرەوە، بەرگری و رێکخراوی وزەی ئەتۆمی ئێران کاریان کردووە، دەستبەسەر کردووە.

غوڵامحوسێن ئیسماعیلی، گوتەبێژی دەزگای دادی ئێران ئەمڕۆ سێشەممە ١١ی ئاب رایگەیاند، لە رۆژانی رابردوودا هێزەکانی ئیتلاعات ژمارەیەک کەسیان بە تۆمەتی سیخوڕیکردن و فرۆشتنی زانیاری بە وڵاتانی دژبەری کۆماری ئیسلامی دەستبەسەرکردووە. 

غوڵامحوسێن ئیسماعیلی دەشڵێت، ئەو کەسانە لە وەزارەتی دەرەوە، بەرگری، رێکخراوی وزەی ئەتۆم و هەروەها بەشەکانی پەیوەندیدار بە دابینکردنی کەلوپەلی تایبەت بە کەرتی وزە کاریان کردووە. ئیسماعیلی ناو و بەرپرسیارێتی ئەو کەسانەی ئاشکرا نەکردووە.