ئێران چەند بەرپرسی دیکەی ئەمریکی گەمارۆدا
پەیامی کورد ... ئێران چەند بەرپرسی دیکەی ئەمریکی گەمارۆدا
ئەم هەنگاوە لە حاڵێکدا ئەنجام دراوە کە ئێران تاوانبارە بە پەنادان بە ئەندامانی ئەلقاعیدە لە خاکی خۆیدا و سوپای قودس وەکوو مێحوەری سەرەکی تێرۆریسمی ناوچەکە دەناسرێت .
لە حاڵێکدا کە ساڵانێکە زۆرە ئەمریکا لە ئێران هیچ جۆرە سەرمایەگوزارییەکی نەکردووە و ئەم ووڵاتە لە ئێستادا لە ژێر فشاری گەمارۆوە نێودەوڵەتییەکان دایە وەزارەتی دەرەوەی ئێران بە بڵاوکردنەوەی بەیاننامەیەک ڕایگەیاند کە لە ڕاستای جێبەجێ کردنی یاسای " بەرەنگاربوونەوە لەگەڵ پێشێلکردنی مافی مرۆڤ و هەنگاوگەلی بۆندار و تێرۆریستی ئەمریکا لە ناوچەکە لیستەی بەرپرسانی ئەمریکی گەمارۆدراوی زیاتر کردووە .
ئەم هەنگاوە لە حاڵێکدا ڕوودەدات کە باس لە سەر دەرهێنانی ناوی سوپای پاسدارانی لە لیستەی گەمارۆوەکانی ویلایەتەیەکگرتووەکان لە ئارادایە و دەوترێت جگە لە بەردهاوێشتنی ڕووسیا ، یەکێکی دیکە لە هۆکارەکانی گەیشتن بە بەربەست بۆ گەیشتن بە گفتووگۆوەکان ، هەر ئەم بابەتەیە .
لەم بەیاننامەیەدا هاتووە : " هەنگاوە بە ئەنقەستەکانی ئەمریکا لە ڕاستای سەپاندنی دۆخی قورسی ژیان لە سەر ئێرانییەکان ، لەوانەش ، لە ڕێگای بەربەستکردن لە دەستڕاگەیشتنی ئەوان بە دەرمان ، خزمەتگوزاری و کەرەستەی پزیشکی بە تایبەتی لە دۆخی هاتوە ئارای نەخۆشی کۆرۆنا و هەروەها مەحرووم کردنی ئەوان لە یاسای بنچینەیی خۆی ، ژیانی میلیۆنان ئێرانی خستووەتە مەترسی و کاریگەری نێگەتیڤی لە سەر هەبوونی ئەوان لە مافی ئابووری و کۆمەلایەتی خۆی هەبووە ، هەنگاوێکی لەم شێوەیە پێشێلکردنی ئاشکرای بنچینەی بۆنیادینی مافی نێودەوڵەتی و مافی بۆنیادی مرۆڤ و ڕاستی ئاشکرای تاوان لە دژی مرۆڤایەتی یە .