ئێران پەیوەندییەكانی لەگەڵ جەزائیر ئاسایی دەکاتەوە
پەیامی کورد... ئێران پەیوەندییەكانی لەگەڵ جەزائیر ئاسایی دەکاتەوە
تاران لەگەڵ جەزائیر ڕێککەوتوە بۆ گەڕاندنەوەی پەیوەندییە دیپلۆماسییەکانی نێوان هەردو وڵات و کردنەوەی باڵیۆزخانەکان.
ئاژانسی "ئیرنا"ی ئێرانی ئاشکرایدهكات، حسێن ئەمیر عەبدوللەهیان، وەزیری دەرەوەی ئێران لە کۆنگرەیەکی ڕۆژنامەوانی هاوبەشدا لەگەڵ ئەحمەد عەتاف هاوتا جەزائیرییەکەی ڕایگەیاندوە، "کۆبونەوەی وڵاتانی هەناردەکاری نەوت لە جەزائیر ئەنجامدەدرێت و سەرۆک کۆماری ئێرانیش بەشداری دەکات".
ههروهها لایخۆیەوە وەزیری دەرەوەی جەزائیر خۆشحاڵی وڵاتەکەی لە پێشهاتە ئەرێنییەکانی پەیوەندییەکانی سعودیە و ئێران دەربڕی.
ئاماژه بهوهش دراوه، لە دیدارەکەدا لە تاران دو وەزیرەکە جگە لە پێشهاتە ناوچەیی و نێودەوڵەتییەکان، پرسە دوقۆڵییەکان و پەرەپێدانی هاریکاریی هاوبەشیان تاوتوێ کردوە.
جێی ئاماژهیه لەماوەی رابردودا ئێران پەیوەندیەکانی لەگەڵ ژمارەیەک وڵاتدا ئاسایی کردەوە کە دیارترینیان سعودیە بو.