کاردانەوەی ووڵاتانی جیهان بەرامبەر شەڕ و پێکدادانەکانی فەلەستین لەگەڵ ئیسرائیل

پەیامی کورد      ...    کاردانەوەی ووڵاتانی جیهان بەرامبەر شەڕ و پێکدادانەکانی فەلەستین لەگەڵ ئیسرائیل 

ئانتۆنیۆ گوترێش، سکرتێری گشتی ڕێکخراوی نەتەوە یەکگرتووەکان ڕایگەیاند : لە هەڵکشانی ڕێژەی کوژرانی خەڵکی سڤیل بە تایبەت کوژرانی منداڵانی فەلەستینی لە هێرشە ئاسمانییەکانی ئیسراییل، و لە کوژرانی خەڵکی سڤیلی ئیسرائیل لە هێرشە مووشەکییەکانی غەززە، گەلێک خەمبار بووم. هێزە ئەمنییەکانی  ئیسرائيل دەبێت زیاتر دان بەخویاندا بنێن و بە مودیریەت و ژیرانەتر شەڕەکە کونترۆڵ بکەن. لە لایەکی ترەوە،  هێرشە مووشەکی غەززە بۆ ئەو ناوەندانە کە خەڵکی سڤیلی ئیسرائیل تیایدا دەژین، قبوڵکراو نییە.   

• ڕەجەب تەیب ئەردوغان، سەرۆککۆماری تورکیا لە ووتووێژ لەگەڵ ڤلادیمیر پووتین سەرۆککۆماری ڕووسیا: کۆمەڵگەی جیهانی لەهەمبەر تووندوتیژی ئیسرائیل لەگەڵ فەلەستینییەکان «دەبێت وانەیەکی پتەوە و بەرگیرانە فێری ئیسرائیل بکەن.»
•  بۆریس جۆنسن، سەرۆکوەزیرانی بەریتانیا: ئەمەوێ شایەتحاڵی «دامرکانی دەستبەجێ تووندوتیژییەکان» لە نێوان ئیسرائيل و حەماس دا بین. 
• ئاڵمانیا: لە تووندوتیژییەکانی نێوان ئیسرائیل و فەلەستین ، لە تەنیشت ئیسرائیل دەمێنینەوە.  وەزیری دادی ئاڵمانیا ڕۆژی چوارشەممە هێرشی مووشەکی غەززە بۆ سەر ئیسرائیلی مەحکووم کرد.   
• موحەمەد جەواد زەریف، وەزیری دەرەوەی کۆماری ئیسلامی: تووندوتیژی ئیسرائیل لەدژی خەڵکی فەلەستین ڕۆژ دوای ڕۆژ لە هەڵکشاندایە.  
• پاکستان: هێرشەکانی ئیسرائيل مەحکووم دەکەین و داواکارین ووڵاتە ئیسلامییەکان پاڵپشتی فەلەستینییەکان بن. عۆمران خان، سەرۆکوەزیرانی پاکستان، نووسیویەتی: «ئێمە لەگەڵ غەزە و فەلەستین داین.»
• ووڵاتە یەکگرتووەکانی ئەورووپا: هێرشی مووشەکی بۆ سەر ئیسرائيل «قەبووڵنەکراوە» و داواکارین هەردوولایەن ددان بەخۆیاندا بنێن و دەست لە کوشتنی خەڵکی سڤیل هەڵگرن. 
• سەرۆکی ووڵاتە یەکگرتووەکانی عەرەب: هێرشی ئاسمانی ئیسرائيل بێ بەرپرسانە و دووبەرەکییانەیە و ئیسرائيل بەرپرسی «پێکدادانی مەترسیدار» لە ئۆرشەلیم ە.کۆمەڵگەی جیهانی دەبێت دەستبەجێ کاردانەوە بنوێنێت و کۆتایی بەم بارودۆخە بێنێت. 
• لە واشینتۆن، لەندەن و چەن شارێکی دیکە لەوانە بێلگرادی سربێستان، سەدان کەس لە پاڵپشتی فەلەستینییەکان خۆپیشاندانیان 

کرد.