ئەرمینیا ئاماری تێکهەڵچوونەکەی لەگەڵ ئازەربایجان خستە ڕوو
پەیامی کورد ... ئەرمینیا ئاماری تێکهەڵچوونەکەی لەگەڵ ئازەربایجان خستە ڕوو
وەزارەتی بەرگری ئەرمینیا ئەمڕۆ ڕایگەیاند کە تێکهەڵچوونی هێزەکانی ئەو وڵاتە لەگەڵ هێزەکانی ئازەربایجان درێژەی هەیە و ئامارێکی تایبەت بە ئەو تێکهەڵچوونەی بڵاو کردەوە.
وتەبێژی وەزارەتی بەرگریی ئەرمینیا ڕایگەیاندوو ەکە تێکهەڵچوونەکەی نێوان وڵاتەکەی لەگەڵ وڵاتی ئازەربایجان ئەم بەیانیەش درێژەی هەبووە و ئەمڕۆ هێزەکانی ئازەربایجان بە هاوەنی جۆری TOS هێرشەکانیان دەست پێکردووەتەوە.
وەزارەتی بەرگریی ئەرمینیا ڕایگەیاندووە کە ١٥ سەربازی دیکەی ئەو وڵاتەش کوژراون و بەمەش ژمارەی کوژراوانی ئەرمینیا گەیشتووەتە ٣٠ کەس و ١٨ کەسیش بریندار بوون.
بە پێی بەیاننامەی وەزارەتی بەرگریی ئەمرینیا، لە ئەنجامی تێکهەڵچوونەکانی ئەو دوو ڕۆژەدا ١١ ئۆتۆمبێلی سەربازی، پێنج کۆپتەر، ٢٧ پێهپاد و ٣٢ تان (دەبابە)ی وڵاتی ئازەربایجان لەلایەن هێزەکانی ئەرمینیاوە تێکشکێندراون.