پڕۆسەی دەرچوونی هێزەکانی ئەمریکا لە عێراق دەستی پێکرد
ووتەبێژی فەرماندەیی گشتی هێزە چەکدارەکانی عێراق هەواڵ لە دەستپێکردنی پڕۆسەی دەرچوونی هێزە سەربازییەکانی ئەمریکا لەم ووڵاتە دەدات .
بە پێی ڕاپۆرتێک یەحیا ڕەسووڵ ووتەبێژی فەرماندەیی گشتی هێزە چەکدارەکانی عێراق لە بەیاننامەیەکدا ڕایگەیاند : پڕۆسەی دەرچوونی هێزە چەکدارەکانی ئەمریکا لە عێراق دەستی پێکردووە و هەوڵگەلێک بۆ تەواو کردنی پڕۆسەی دەرچوون تاکوو ٣١ی دیسەمبەری ئەمساڵ بەردەوامی دەبێت
ئەو هەروەها ووتی : دەرچوونی ئەم هێزانە بە پێی بەرنامەیەک ئەنجام دەدرێت کە کۆمیتەی ئۆپراسیۆنە هاوبەشەکانی عێراق بە هاوکاری هاوپەیمانی نێودەوڵەتی داڕێژراوە و بەو پێیە هێزەکانی ڕاوێژکار بە ئامانجی ڕاهێنانی و تەجهیز و گۆڕینەوەی هەواڵ و زانیاری لە عێراق دەمێننەوە کە دەستەبەر کردنی ئەمنییەتی ئەوان لە سەر شانی هێزەکانی عێراق دەبێت
یەحیا ڕەسووڵ هەروەها ووتی کە هەماهەنگی نێوان هەر دوو لایەن بۆ ڕادەستکردنی تەقەمەنی و کەل و پەلی ئەم هێزانە بە هێزەکانی چەکداری عێراق و بە ئامانج گرتنی هەندێک لە مۆڵگە و پێگەکانی فرووپە تێرۆرسیتییەکانی داعش بە کەڵک وەرگرتن لە فڕۆکەگەلی شەڕکەری نێودەوڵەتی بوونی هەیە .