Cîhan
شەهباز شەریفی وەک سەرۆک وەزیرانی پاکستان هەڵبژێردرا
پەیامی کورد... شەهباز شەریفی وەک سەرۆک وەزیرانی پاکستان هەڵبژێردرا
پەرلەمانی پاکستان بە دەنگی ١٧٤ ئەندام، شەهباز شەریفی وەک سەرۆک وەزیرانی نوێ هەڵبژارد و جێگەی عیمران خانی گرتەوە، پەرلەمانتارانی پارتەکەی سەرۆک وەزیرانی لەکارلادراویش بە کۆمەڵ دەستیانلەکارکێشایەوە.
دوای دوو ڕۆژ لە سەندنەوەی متمانە لە عیمران خان سەرۆک وەزیرانی پێشووی پاکستان و لادانی لە پۆستەکەی، ئۆپۆزیسیۆنی ئەو وڵاتە دەسەڵاتی گرتە دەست و کاندیدەکەی بۆ پۆستی سەرۆک وەزیران متمانەی پەرلەمانی بەدەستهێنا.
شەهباز شەریف سەرکردایەتیی ئەو ڕەوتەی ئۆپۆزیسیۆنی دەکرد کە لە چەند ڕۆژی ڕابردوودا هەڵمەتێکی بۆ لابردنی عیمران خان لە پۆستی سەرۆک وەزیران بەرپاکرد و درەنگانی شەوی پێرێ شەممە هەڵمەتەکە بە سەندنەوەی متمانە لە ناوبراو سەری گرت.