شەش کۆچبەری سووری بەهۆی برسێتییەوە گیانیان لەدەستدا
پەیامی کورد... شەش کۆچبەری سووری بەهۆی برسێتییەوە گیانیان لەدەستدا
شەش کۆچبەری سووری کە دووانیان منداڵن بەهۆی برسێتی و تینوویەتی لە بەلەمێکدا لە دەریای ناوەڕاست گیانیان لەدەستدا.
کۆمیسیۆنی نەتەوە یەکگرتووەکان بۆ کاروباری کۆچبەران ئاشکرای کرد، لەنێو بەلەمێکدا کە ٣٠ کۆچبەری تێدا بووە، شەش کۆچبەری خەڵکی سووریا بەهۆی تینوویی و برسێتییەوە لە دەریای ناوەڕاست گیانیان لەدەستداوە.
ڕوونیشی کردووەتەوە، لەناو قوربانییەکاندا دوو منداڵی تەمەن یەک ساڵ و دوو ساڵ و گەنجێکی تەمەن ١٢ ساڵ هەیە، سێ کەسی پێگەیشتووش کە دایک و داپیرەیەکی قوربانییەکانی تێدایە ڕزگاریان بووە.
کۆمیسیۆنی کاروباری کۆچبەران ئاماژەی بەوەشکردووە، زۆرینەی ئەو کۆچبەرانەی ڕزگارییان بووە لە دوورگەی سقڵییەی ئیتاڵیا چارەسەریان وەرگرتووە و ئەو شوێنەش ئاشکرانەکراوە کە لێیەوە هاتوون.
هەروەها کۆمەڵەی (ئارم فۆن) کە کۆمەڵەیەکی ناحکومییە و سەرپەرشتی هێڵی گەرمی بەهاناوەچوونی کۆچبەران دەکات ڕایگەیاندووە، کەشتییەک بە ٢٥٠ کۆچبەرەوە هەفتەیەکە لە لوبنانەوە بە ڕێکەوتووە و لە ئاوەکانی ماڵتا دووچاری کەمی سووتەمەنی بووە، کۆچبەران ماوەی دوو ڕۆژە ئاو و خۆراکیان پێ نەماوە و یەکێک لە کۆچبەرەکان کە منداڵێکی ساوایە بەهۆی تینوویەتییەوە گیانی لەدەستداوە.