شەش ئەندامی هێزە چەکدارەکانی ئێران لە بەلووچستان کوژران

پەیامی کورد... شەش ئەندامی هێزە چەکدارەکانی ئێران لە بەلووچستان کوژران


كۆماری‌ ئیسلامی‌ ئێران كوژرانی‌ ژماره‌یه‌ك ئه‌ندامی هێزه‌ ئه‌منییه‌كانی‌ له‌ رووبه‌ڕووبوونه‌وه‌یه‌كدا له‌گه‌ڵ گرووپێكی چه‌كداریدا راگه‌یاند.

ئه‌مڕۆ شه‌ممه‌ پۆلیسی ئێران راگه‌یه‌ندراوێكی بڵاوكرده‌وه‌ و تیایدا هاتووه‌ كه‌ "شه‌وی رابردوو له‌ هێرشێكی تیرۆریستیی گرووپێكی 'چه‌كدار' و 'دژبه‌ر' شەش ئه‌ندامی بنكه‌ی پاسه‌وانیی 'مزه‌ سه‌ر' له‌ پارێزگای سیستان و به‌لوچستان کوژراون و یەکێکیش بە سەختی بریندار بووە".

به‌گوێره‌ی‌ میدیاكانی‌ ئێران جێگری به‌ڕێوه‌به‌ری گشتیی پۆلیسی ئێران و فه‌رمانده‌ی پاسه‌وانی سنوور بۆ به‌دواداچوونی رووداوه‌كه‌ سه‌ردانی پارێزگای سیستان و به‌لوچستانیان كردووه‌.