Cîhan
سوپای پاسداران کەشتییەکی دیکەی لە ناوچەی کەنداو فڕاند
پەیامی کورد ... سوپای پاسداران کەشتییەکی دیکەیان فڕاند
فەرماندەی ناوچەی دووەمی هێزی دەریایی سوپای پاسداران ڕایگەیاندووە : سەر لەبەیانی ئەمڕۆ یەکشەممە جوولای هێزەکانی پشکێنەری پێگەی ناوچەی دووەمی سوپای پاسداران پاش هەندێ زانیاری، لەدەورووبەری دوورگەی فارس دەستیان بەسەر کەشتییەکی بیانی کە خەریکی گواستنەوەی سووتەمەنی بۆ ووڵاتانی عەرەبی کەنداو بووە داگرتووە.
۷ سەرنشینی کەشتییەکە کە هەموویان هاووڵاتی بیانی بوون دەستبەسەر کراون و ۷۰۰ هەزار لیتر سووتەمەنیش دەستی بەسەر داگیراوە.
سوپای پاسداران ڕایگەیاندووە کە ئەم کەشتییە خەریکی قاچاخی سووتەمەنی بووە، ئەمەش لە کاتێکدایە کە تەنیا ئێران گەمارۆی خراوەتە سەر و گواستنەوەی سووتەمەنی بۆ ووڵاتانی دیکە ئازادە.