Cîhan
تەقینەوەی مین لە مێهران چوار کوژراو و برینداری لێکەوتەوە
پەیامی کورد ... تەقینەوەی مین لە مێهران چوار کوژراو و برینداری لێکەوتەوە.
دوێنێ هەینی ١٧ی جووڵای ٢٠٢٠، سێ هاووڵاتی بە ناوەکانی "هادی ئومیدی، سەلیم تاراس و چراغ عەبدی" بەهۆی تەقینەوەی مین گیانیان لەدەست دا و هاووڵاتییەکی دیکە بە ناوی "مێهدی ئومیدی" بریندار بوو.
فەرمانداری شاری مێهران لەو بارەیەوە ڕایگەیاند: "ئەو چوار هاووڵاتییە لە ناوچەی کەلات قەندی تووشی ئەو ڕووداوە بوون".
برینداربووی ئەو ڕووداوە، ڕەوانەی نەخۆشخانەی " ئیمام حسێن " لە شاری مێهران کراوە و لەژێر چاودێری پزیشکیدایە.
ئەو چوار هاووڵاتییە خەڵکی شارەکی "ئیسلامییە"ی شاری مێهرانن.
شاری مێهران لە ٢٢٨ کیلۆمەتری باشووری شاری ئیلام هەڵکەوتووە.