ترامپ بۆ ڕێوڕەسمی بە خاک سپاردنی جۆن مەککین بانگهێشت نەکرا
بنەماڵەی جۆن مەککین سێناتۆری ئۆپۆزسیۆنی ووڵاتی ئەمریکا کە بە هۆی نەخۆشی شێرپەنجەوە کۆچی دوایی کرد ، ڕایانگەیاندووە کە سەرۆککۆماری ئەمریکا " دۆناڵد ترامپ " یان بۆ بەشداری لە ڕێوڕەسمی بە خاک سپاردن بانگهێشت نەکردووە .
بە ووتەی ڕاپۆرتێک لە سی ئێن ئێن ، بنەماڵەی جۆن مەککین ، دۆناڵد ترامپ سەرۆککۆماری ئەمریکایان بۆ ڕێوڕەسمی بە خاک سپاردن بانگهێشت نەکردووە .
جۆن مەککین لە ماوەی ئەو یەک ساڵەی کە نەخۆش بووە بۆ ڕێوڕسمی بە خاک سپاردنەکەی خۆی پڕۆگرامی دانابوو و بە ووتەی قسەکانی بنەماڵەکەی ، ئەو نەیدەویست ترامپ لەم ڕێوڕەسمەدا بەشداری بکات .
هەروەها ئاماژە بەوە کراوە کە کەسانی نزیکی مەککین و بنەماڵەکەی لە ڕەقیبانی پێشووو هەروەها لە سەرۆککۆماری ئەمریکا باراک ئۆباما و جۆرج بۆش داوایان کردووە ووتەکانی ماڵ ئاوایی ئەم ڕێوڕەسمە بخوێننە وە .
هەروەها ترامپ لە پەیامێکی کۆتادا بێ ووتنی یەک ووشە سەبارەت بە کار و ژیانی مەککی ووتی : " سەرەخۆشی من و ڕێزی ڕاستەقینەی خۆم بۆ بنەماڵەی سێناتۆر جۆن مەککین . دڵ و نزای ئێمە لەگەڵ ئێوەەیە . "