Cîhan
بەیرووت : ٧ كوژراو لە هێرشە ئامانجدارەکان بۆ سەر زاحیە و خەلدە
PeyamaKurd - بەیرووت : ٧ كوژراو لە هێرشە ئامانجدارەکان بۆ سەر زاحیە و خەلدە
لە درێژەی هێرشەكانی شەوانەدا، بەیرووت بینەری دوو هێرشی کوشندە بوو کە بە گشتی لانی کەم ٧ کوژراو و ٢٤ برینداری لێکەوتەوە.
بەپێی زانیارییەکان، هێرشی یەکەم کەمێک پێش نیوەشەو لەسەر ڕێگای خەلدە بووە، کە ئۆتۆمبێلێک کراوەتە ئامانج و لە ئەنجامدا ٢ کەس كوژراون و ٣ برینداری لێکەوتووەتەوە.
دوای چەند خولەکێک، هێرشی دووەم لە ناوچەی ئەلجەناح لە زاحیە لە بەیرووت ئەنجامدرا. لە هێرشەکەدا باڵەخانەیەک و چەند ئۆتۆمبێلێک کراونەتە ئامانج و لە ئەنجامدا ٥ کەس كوژراون و ٢١یش برینداربوون.
بەپێی ئامارەکانی وەزارەتی تەندروستیی لوبنان، کۆی گشتی ئەو دوو هێرشە گەیشتووەتە ٧ کوژراو و ٢٤ بریندار.
ووتەبێژی سوپای ئیسرائیل هەروەها ڕایگەیاند کە ئامانجی هێرشەکان کەسە باڵاکانی حیزبۆڵڵا بوون.