بە هۆێ ناڵەباری بەلەمێکی پەنابەران ١١ کەس گیانی خۆیان لە دەست دا کە خەڵکی بە ڕەگەز کوردی باشووریشی تێدایە
پەیامی کورد ... فێدراسیۆنی سەراسەری پەنابەرانی عێراقی لەتورکیا رایگەیاند، ١١ کۆچبەر لەنێو دەریایی ئیجەدا خنکان کە هەشیان منداڵ بون کوردیش لەنێوانیاندایە.
هیوا خدر، ئەندامی فێدراسیۆنی سەراسەری پەنابەرانی عێراقی لەتورکیا لە راگەێندراوێکدا رایگەیاند : دوێنێ شەممە لە ناوچەی چەشمەی سەر بەشاری ئیزمیر لەنێودەریای ئیجەدا بەلەمێکی پەنابەران تێکشا کە ١٩ کۆچبەری تێدابوو ١١ پەنابەریان خنکان و گیانیان لەدەستدا کە هەشت کەسیان منداڵ بوون .
ئاماژەی بەوەشکردوە، هەشت پەنابەریشیان لەلایەن پۆلیسی دەریاوانی سنوری تورکیاوە رزگارکران و ڕەوانەی نەخۆشخانە کراون و تەندروستیان جێگیرە.
هیوا خدر باسی لەوەشکردوە، چوار لەپەنابەرەکان بەمەلەوانی گەیشتوونەتە نزیک کەنار دەریای ناوچەی چەشمەی سەر بە شاری ئیزمیر.
ئەوەشی خستوەتەڕ، "بەپێی زانیاریەکانمان خەڵکی بە ڕەگەز کورد لەنێوا خنکاوەکەندا هەیە، بەڵام تا ئێستا لەلایەن پۆلیسی پەیوەندیداری تورکیا وە ناسنامەیان دیاری نەکراون و ڕەوانەی پزیشکی دادوەری کراون".