بەپەلە ... بڕیاری نوێی قەدەغە لە هەولێر جێبەجێ دەکرێت

پەیامی کورد     ...    بڕیاری نوێی قەدەغە لە هەولێر جێبەجێ دەکرێت

وابڕیارە ئەمڕۆ، ژوی ئۆپراسیۆنی پارێزگای هەولێر كۆبوونەوەیەكی ئۆنلاین ئەنجامبدات، بەگوێرەی ئەو زانیارییانە ، جگە لە راگرتنی دەوامی فەرمانگەكان بۆ ماوەی هەفتەیەك، بڕیارە قەدەغەی هاتووچۆ لەنێوان هەولێر و قەزا و ناحیەكانی رابگەێندرێت.

بەگوێرەی زانیارییەكان یەکێک لە بڕیارە چاوەڕوانكراوەكانی لیژنەی باڵای ئۆپراسیۆنی ڕووبەڕووبوونەوەی کۆرۆنا لە پارێزگای هەولێر راگرتنی دەوامی فەرمانگە حكوومییەكان دەبێت بۆ ماوەی هەفتەیەك لە یەکشەممەی داهاتووەوە 28/06/2020 تا 5/7/2020.

ژوری ئۆپراسیۆنی پارێزگای هەولێر بەهۆی بەرزبوونەوەی ژمارەی تووشبوانی كۆرۆنا لە پارێزگاكە لەبەرنامەیدایە بەشێكی زۆر لە بازاڕ و شوێنە گشتییەكانی پارێزگاكە دابخات و ئەو شوێنانەشی رێگە بە كردنەوەیان دەدرێت، رێنماییان بۆ دەردەكرێت و دەبێت جێبەجێیبكەن.

هەروەها چاوەڕێدەكرێت بڕیار لەسەر قەدەغەی هاتوچۆی نێوان هەولێر و قەزا و ناحییەكان بدرێت بە جۆرێك لە كاتژمێر ٦ی ئێوارە بۆ٦ی بەیانی رێگە نەدرێت هیچ ئۆتۆمبێلێك هاتووچۆ لە هەولێرەوە بۆ قەزا و ناحیەكان و بەپێچەوانەوە ئەنجامبدات.