Kurdistan
بەپەلە ... هێزەکانی سوپای پاسداران ٣ کوردی شاری بووکان دەستگیر دەکەن کە یەکێکیان تەنیا ١٠ ساڵالە
هێزەکانی ئێستێخباراتی سوپای پاسداران لە بووکان سێ هاووڵاتی خەڵکی ئەو شارەیان دەستبەسەر کرد کە یەکێکیان تەنیا ١٠ ساڵ تەمەنیەتی.
بەپێی هەواڵ و زانیارییەکان “، شەوی پێنج شەممە ( ١٢ی جووڵای ٢٠١٨)، هێزەکانی ئێستێخباراتی سوپای پاسدارانی ئێران لە شاری بووکان، سێ هاووڵاتی خەڵکی گوندی مووشیرئاوای ئەو شارەیان دەستبەسەر و بۆ شوێنێکی نادیار گواستوونەتەوە.
بە پێی ڕاپۆرتی هەواڵنێران لە شاری بووکان ناسنامەی ئەو سێ هاووڵاتییە کوردە بەم شێوەیە ڕاگەیاندووە : " کاوە خزری، ئاکام خزری کوڕی کاوە و کامیل خزری برای کاوە " .
ئەو سێ هاووڵاتییە دوای تێکهەڵچوونی هێزەکانی ئێستێخباراتی سوپای میاندواو لەگەڵ سەرنشینانی پرایدێک دەستبەسەر بۆ شوێنێکی نادیار گوازراونەتەوە و چارەنووسیان نادیارە.
ئاکام لەکاتێکدا دەستبەسەر کراوە کە منداڵە و تەنیا ١٠ ساڵ تەمەنی هەیە.