بەپەلە    ...   لە بڕیارێکی گرینگدا مووچەی خانەنشینان گۆڕانکاری بەسەردا دێت

پەیامی کورد    ...    بەپەلە    ...   لە بڕیارێکی گرینگدا مووچەی خانەنشینان گۆڕانکاری بەسەردا دێت

بەڕێوبەری گشتی خانەنشینی ھەرێمی كوردستان رایگەیاند، ھەموو ئامادەكارییەك بۆ كەمكردنەوەی مووچەی پلە باڵاكان كراوە و لیستی ناوەكانیش ئامادە كراوە، تەنھا چاوەڕێی ڕێنمایی دەكەن بۆ ئەوەی جێبەجێ بكرێت، بەڵام دەستكاریی مووچەی فەرمانبەران ناكرێت و حكوومەت لە بەرنامەیدا ھەیە مووچەی ئەو خانەنشینانە زیاد بكات كە مووچەیان كەمە.

حازم ئیسماعیل، بەڕێوبەری گشتی خانەنشینی ھەرێمی كوردستان رایگەیاند : "بڕیارە لە سەرەتای مانگی داھاتوودا دەست بە جێبەجێكردنی یاسای چاكسازی بكرێت و، ئێمەش بۆ كەمكردنەوەی مووچەی پلە باڵاكان، ھەموو ئامادەكارییەكانمان كردووە و لیستی ناوی ئەو كەسانەشمان ئامادە كردووە كە مووچەیان كەم دەكرێتەوە".

ئیسماعیل گوتیشی: "چاوەڕێی رێنمایی دەكەین بۆ ئەوەی دەست بە كەمكردنەوەی مووچەكەیان بكەین، ئەگەر مووچەشیان بۆ نیوە كەم بكرێتەوە، نزیكەی ٣ملیار دینار بۆ حكوومەت دەگەڕێتەوە".

ناوبراو باسی لەوەش كرد: "دەستكاریی مووچەی فەرمانبەران ناكرێت و تەنھا دەرماڵەكان رێك دەخرێنەوە، لە بەرنامەی حكوومەتیشدا ھەیە ئەگەر دۆخەكە باشتر بێت، مووچەی ئەو خانەنشینانەی كە مووچەكەیان كەمە، زیاد بكرێت".