بە پێی زانیاری هەوالگرییەوە سێ پێگەی گرینگی داعش تێکدەشکێندرێت

پەیامی کورد     ...    بە پێی زانیاری هەوالگرییەوە سێ پێگەی گرینگی داعش تێکدەشکێندرێت

شانەی راگەیاندنی ئەمنی عێراق رایگەیاند، دوانیوەڕۆی ئەمڕۆ فەرماندەی ئۆپراسیۆنە هاوبەشەکانی کەرکووک پاش وەرگرتنی زانیاری هەواڵگری سێ ئەشکەوت و پێگەی داعشیان لەناوچەی دوزخورماتوو کردە ئامانج.
بەگوێرەی زانیارییەکان، ئۆپراسیۆنە هاوبەشەکانی دوزخورماتوو ئامانجەکانیان پێکاوە و هێرشەکەشیان لەسەر بنەمای زانیاری هەواڵگری و بەهاوکاری هێزەکانی هاوپەیمانان بوە.
شانەی ئەمنی عێراق راشیگەیاند، هەر سێ پێگەکەی داعش بەتەواوەتی تێکشکێنراوە کە چەک و کەرەستەی تەقێنەرەوەی تێدابوە، دووکەڵ و ئاگر لەشوێنەکان بەرزبوەتەوە.
ئاماژەیان بەوەشکردوە، هێزێک رەوانەی ناوچەکە کراوە بۆئەوەی پشکنین و بەدواداچوون بۆ کاریگەری هێرشە ئاسمانییەکە بکەن.