دوایین کاتی کۆتایی هێنانی شەقامی ١٥٠ مەتری ڕاگەێندرا
پەیامی کورد ... دوایین کاتی کۆتایی هێنانی شەقامی ١٥٠ مەتری ڕاگەێندرا
بڕیارە بەر لە کۆتاییھاتنی ئەمساڵ بەشی یەکەمی شەقامی ١٥٠ مەتری ھەولێر تەواو بکرێت و سەرپەرشتیاری پڕۆژەکەش دەڵێ، دەیان گەڕەک سوودمەند دەبن.
سەرتیپ قادر، بەڕێوبەری پڕۆژەی شەقامی ١٥٠ مەتریی ھەولێر، ڕایگەیاند: "سەرەڕای قەدەغەی ھاتووچۆ و ڕەوشی ئێستای بڵاوبوونەوەی ڤیرووسی کۆرۆنا کارکردن لە پڕۆژەی شەقامی ١٥٠ مەتریی ھەولێر بەردەوامە و قۆناغی باشی بڕیوە و بڕیارە بەر لە ھاتنی ساڵی نوێ قۆناغی یەکەمی شەقامەکە لە ڕێگەی پیرمام بۆ بەحرکە بکرێتەوە."
سەرپەرشتیاری پڕۆژەی شەقامی ١٥٠ مەتری گوتی: "دوای کۆتاییھاتنی قۆناغی یەکەم دەست بە قۆناغی دووەمی شەقامەکە دەکرێت ئەگەر ئاستەنگ نەیەتە ڕێگامان، چوونکە لە قۆناغی یەکەمی ژمارەیەکی زۆر گەڕەک سوودمەند دەبن و دەبێتە شەقامێکی ستراتیژی."
سەرتیپ قادر ئاماژەی بۆ ئەوە کرد: "شەقامی بازنەیی ١٥٠ مەتری بەپێی ستاندەردی جیھانی بە شێوەیەکی پێوانەیی پێشکەوتوو درووست دەکرێت و بە تەواوبوونی ھەر بەشێکی خزمەتێکی باش پێشکەش بە ھاووڵاتییان دەکات."