Kurdistan
دوو کۆڵبەری کورد لە لایەن هێزە چەکدارەکانی ئێرانەوە بریندار بوون
پەیامی کورد ... لەماوەی ڕۆژانی ڕابردوودا دوو کۆڵبەری دیکەی کورد لە سنوورەکانی کوردستان بە هۆی تەقەی ڕاستەوخۆی هێزەچەکدارەکانی ئێران بریندار بوون.
بەپێی هەواڵ و زانیارییەکان ڕۆژی پێنجشەممە " ١٠ ی ژانویە ٢٠١٩ " کۆڵبەرێکی خەڵکی ئارمەردەی بانە بە تەقەی ڕاستەوخۆی هێزە چەکدارەکانی ئێران بریندار بووە.
ناسنامەی ئەو کۆڵبەرە تەمەن ٣٥ ساڵە “هیدایەت محەممەدی” کوڕی تاهیر ڕاگەێندراوە و هەروەها کۆڵبەرێکی خەڵکی ئورمیە بە تەقەی ڕاستەوخۆی هێزە چەکدارەکانی ئێران بریندار کراوە.
ناسنامەی ئەو کۆڵبەرە کە ٢٦ ساڵانە “عەقیل ئیبراهیمی” کوڕی عەبدال ڕاگەیندراو و لاقی بریندار کراوە.
.