Kurdistan
دوو ئافرەت لە کەرکوک بە نارنجۆک بریندار بوون
پەیامی کورد.. دوو ئافرەت لە کەرکوک بە نارنجۆک بریندار بوون
لە گوندێکی سنووری ناحیەی قەرەهەنجیر نارنجۆکێک بە دوو ئافرەتدا تەقییەوە و بە برینداری رەوانەی نەخۆشخانە کران.
بە پێی قسەی وتەبێژی پۆلیسی کەرکوک، لە گوندی کەوەڵەی ناحیەی قەرەهەنجیر دوو ئافرەت لەکاتی کارکردن لە مەزرەعەیەکی خۆیاندا نارنجۆکێک پێتاندا تەقیوەتەوە و بریندار بوونە.
گوتەبێژی پۆلیسی کەرکووک گوتیشی: دوو ئافرەتەکە پارچەی نارنجۆک بەر پشتیان کەوتووە و برینەکانیان سەخت نییە، بۆ چارەسەر رەوانەی نەخۆشخانە ئازادی لە کەرکووک کراون.
لە ئێستادا پۆلیس و هێزە ئەمنییەکان سەرقاڵی لێکۆڵینەوەن لە رووداوەکە.
بە پێی هەواڵەکان ئەو نارنجۆکە لەناو مەزرەعەکە بۆیان دانراوەتەوە، بەڵام تائێستا هۆکار و بکەرانی ئەو کردە ئاشکرا نەکراون.