فەڕەنسا بڕی ١٥ میلیۆن یۆرۆ هاوکاری بۆ دهۆک تەرخان دەکات
پەیامی کورد ... فەڕەنسا بڕی ١٥ میلیۆن یۆرۆ هاوکاری بۆ دهۆک تەرخان دەکات
کونسوڵی فەڕەنسا لە هەرێمی کوردستان سەردانی پارێزگای دهۆکی کرد و رایگەیاند، وڵاتەکەی بەگوژمەی ١٥ ملیۆن یۆرۆ پشتیوانی پڕۆژەی پەرەپێدان لەو پارێزگایەدا دەکات.
ڕۆژی یەکشەممە ١١ی تەشرینی یەکەمی ٢٠٢٠، پارێزگای دهۆک رایگەیاند، ئۆلیڤی دیکیوتینی کونسوڵی گشتی فەڕەنسا لە هەرێم سەردانی دهۆکی کردووە و لەگەڵ عەلی تەتەر پاریزگاری دهۆک کۆبووەتەوە و رایگەیاندووە، وڵاتەکەی گوژمەی ١٥ ملیۆن یۆرۆی بۆ پەرەپێدانی پڕۆژە جیاوازەکانی خزمەتگوزاری لەو پارێزگایەدا تەرخانکردووە و ٥٠٠ کەسیش لەسنوری پارێزگاکە و ٦٠ هەزار خوێندکاریش لە سێکتەری جیاوازدا سودمەند دەبن.
کونسوڵی فەڕەنسا باسی لەوەشکردووە، ئەو هاوکارییانەی فەڕەنسا چەندین پڕۆژەی جۆراوجۆری پێ جێبەجێدەکرێت، دەشڵێت، پڕۆژەکان لەلایەن کۆمپانیا ئەڵمانییەکانەوە جێبەجێدەکرێن.