Kurdistan
هاووڵاتییەکی هەرێمی کوردستان بە تەقەى پاسدارانی ئێران کوژرا
پەیامی کورد... هاووڵاتییەکی هەرێمی کوردستان بە تەقەى پاسدارانی ئێران کوژرا
نیوەڕۆى ئەمڕۆ لە سنوورى قەزاى پشدەرى ئیدارەى ڕاپەڕین، هێزەکانى پاسدارانى ئێران تەقەیان لە هاووڵاتییەکى هەرێمی کوردستان کرد و کوشتیان.
بەپێى زانیارییەکان، ناوى ئەو هاووڵاتییە ''حەمەد خدر''ە و تەمەنى 60 ساڵە و خەڵکى گوندى ڕەزگەیە و لەگەڵ چەند کەسێک بەمەبەستى هێنانى ئاژەڵ ڕوویان لە سنوورى ئێران کردووە و تەقەیان لێ کراوە و کوژراوە.
دوو کەسەکەى دیکەش تا ئێستا دیار نین کە بە گوتەی شایەدحاڵان شڵەژاون و ڕایان کردووە بۆ شوێنى نادیار.
ئێستا کەسوکارى هاووڵاتییە کوژراوەکە ڕوویان لە شوێنى کوشتنى کەسەکەیان کردووە و سەرقاڵن تەرمەکەى وەربگرنەوە.