پهیامى سهرۆكایهتی ههرێمی کوردستان دهربارهى پێشهاتهكانى سووریا
پەیامی کورد ... پهیامى سهرۆكایهتی ههرێمی کوردستان دهربارهى پێشهاتهكانى سووریا
ئێمه له ههرێمى كوردستان به بایهخێكى زۆرهوه چاودێری پێشهاتەکانی سووریا دەکهین. داوا لە هەموو لایەك دەکەین زمانی دیالۆگ و چارەسەری ئاشتییانە بگرنە بەر، به شێوهیهك دادپەروەری و یەکسانی بۆ هەموو پێکهاتەکانی سووریا، لەوانە گەلی کورد، دەستەبەر بکات، ههروهها بەشداری کارایان لە داڕشتنی داهاتووی ووڵاتدا، مسۆگەر بکات.
هەرێمی کوردستان له چوارچێوهى عێراقدا پابەندی خۆی بە پاراستنی پەیوەندیی هاوسەنگ و کارکردن بۆ بەهێزکردنی هاوکاریی هەرێمی و نێودەوڵەتی بۆ دڵنیابوون لە سەقامگیری سووریا دووپات دەکاتەوە. ههموو ململانێیهك كه دۆخى ناوچهكه ئاڵۆز بكات ڕهت دهكهینهوه، ههروهها جەخت له پاراستنی ئاسایش و سەقامگیرى و بەرژەوەندی هەموو گەلان و پێكهاتهكانی ناوچهكه دهكهینهوه.
له كاتێكدا پێشهاتهكان خێران، جەخت له گرینگی یەکخستنی هەوڵە نێودەوڵەتی و هەرێمییەکان دەکەینەوە بۆ دڵنیابوون لە داهاتوویەکی سەقامگیر بۆ سووریا. بۆیه داوا له كۆمهڵگهى نێودهوڵهتى و ووڵاتانى ناوچهكه دهكهین ڕۆڵى خۆیان بۆ چارهسهرى ئاشتییانه بگێڕن، ههروهها پشتگیریمان بۆ خواستەکانی گەلی سووریا بۆ ئاشتی و ئازادی، دووپات دهكهینهوه