Kurdistan
كونسوڵی گشتی فەڕەنسا لە لایەن سەرۆك بارزانی یەوە پێشوازی لێکرا
پەیامی کورد ... ئەمڕۆ پێنجشەممە ١٦ـی ١ـی ٢٠٢٠ لە سەلاحەددین سەرۆك مەسعود بارزانی پێشوازی لە ئۆلیڤییە دیكۆتینی كونسوڵی فەڕەنسا لە هەولێر كرد.
لە دیدارەكەدا بارودۆخی سیاسی و دوایین پێشهاتەكانی عێراق و ناوچەكە تاوتوێ كرا و هەروەها ڕۆشنایی خرایە سەر هەڕەشە و ئەگەركانی بەردەم پڕۆسەی سیاسی عێراق و گرژیی و ئاڵۆزییەكان لە ئاستی ناوچەیی و نێودەوڵەتی دا.
هەر لەو دیدارەدا كونسوڵی فەڕەنسا لە هەولێر جەختی لەوە كردەوە كە ووڵاتەكەی پاراستنی سەقامگیری هەرێمی كوردستان و عێراقی بەلاوە گرینگە و، خوازیاری بەردەوامیدانە بە جەنگی دژی داعش لەگەڵ هێزی هاوپەیمانان و هێزەكانی عێراقی بە تایبەت هێزەكانی هەرێمی كوردستان.
ئاڵوگۆڕكردنی بیروڕا لەبارەی هەڕەشەی تیرۆریستان و مەترسیی بەهێزبوونەوەی داعش لە عێراق تەوەرێكی دیکەی ئەو دانیشتنە بوو.