مامۆستایەکى کوردی ڕۆژهەڵاتی کوردستان بۆ خەڵاتى یەک ملیۆن دۆلارى باشترین مامۆستاى دونیا دەپاڵێورێت

 سورەیا متەهەرنیا مامۆستاى خەڵکی بیجاڕ سەر بە پارێزگای سنە ، پاڵێوراوە بۆ خەڵاتى یەک ملیۆن دۆلارى باشترین مامۆستاى دونیا.
 سورەیا ٢٦ ساڵە مامۆستای گوندەکانى بیجاڕە.
دەرچووى زانستە سیاسییەکان و پەیوەندییە نێودەوڵەتییەکانە، بەڵام ساڵیانێکە خەریکى مامۆستایەتییە لە نێو قوتابیانى نەخۆش و هەژار.
زیاتر لە ١٠٠٠ منداڵى نەخۆشى لە شارەکەى خۆى دۆزیوەتەوە و بە هاوکارى خەڵکى خێرخواز تێچووى دەرمانەکەى گرتوونەتە ئەستۆ.
 ئێستا مامۆستاى گوندى حەسەن تەیمورى بیجاڕە.