مەسروور بارزانی سەرۆکی حکوومەتی هەرێمی کوردستان پێشوازی لە جومعە عناد سەعدوون وەزیری بەرگری عێراق کرد
پەیامی کورد ... مەسروور بارزانی سەرۆکی حکوومەتی هەرێمی کوردستان پێشوازی لە جومعە عناد سەعدوون وەزیری بەرگری عێراق کرد .
ئەمڕۆ پێنجشەممە 2020/6/25 مەسروور بارزانی سەرۆکی حکوومەتی هەرێمی کوردستان پێشوازی لە جومعە عناد سەعدوون وەزیری بەرگری عێراق کرد.
لە دیدارەکەدا گفتوگۆ دەربارەی پەیوەندییەکانی نێوان حکوومەتی هەرێمی کوردستان و حکومەتی فیدراڵی و هەماهەنگی نێوان هێزی پێشمەرگە و سوپای عێراق کرا .
وەزیری بەرگری عێراق تیشکی خستە سەر زیادبوونی هەڕەشەکانی تیرۆریستانی داعش و ئاماژەی بەوەدا کە داعش دوژمنی هەموومانە و جیاوازی لە نێوان پێکهاتەکانی عێراقدا ناکات بۆیە پێویستە هەماهەنگییەکی باش لە نێوان سوپای عێراق و هێزی پێشمەرگەدا هەبێت.
سەرۆکی حکومەتی هەرێمی کوردستان جەختی لە گرنگی کاراکردنەوەی میکانیزمی هەماهەنگی ئەمنی هاوبەش لە نێوان سوپای عێراق و پێشمەرگەدا کرد لە ناوچە کوردستانییەکانی دەرەوەی هەرێم بۆ ڕووبەڕووبوونەوەی هەڕەشەکانی تیرۆر لەو ناوچانەدا . ئامادەیی هەرێمی کوردستانیشی دەربڕی بۆ چارەسەکردنی کێشەکان لە گەڵ حکومەتی فیدراڵی لە ڕێگەی گەیشتن بە ڕێکەوتنێک کە لە بەرژەوەندی هەموو هاووڵاتییانی عێراقدا بێت.