مەسرور بارزانی: سوپاسی بۆریس جۆنسنم کرد بۆ دۆستایەتییەکەی لەگەڵ خەڵکی هەرێمی کوردستان
پەیانی کورد... مەسرور بارزانی: سوپاسی بۆریس جۆنسنم کرد بۆ دۆستایەتییەکەی لەگەڵ خەڵکی هەرێمی کوردستان
سەرۆک وەزیرانی هەرێمی کوردستان لەبارەی سەردانەکەی بۆ بەریتانیا و کۆبوونەوەی لەگەڵ سەرۆک وەزیرانی وڵاتەکە ڕایدەگەیەنێت: "ئێمە ئەجێندایەکی هاوبەشمان هەیە و خواستمانە ببینین بارودۆخ لە سەرانسەری عێراق باشتر ببێت".
ئەمڕۆ سێشەممە ١٩/٤/٢٠٢٢، مەسرور بارزانی، سەرۆک وەزیرانی هەرێمی کوردستان، لەگەڵ بۆریس جۆنسن، سەرۆک وەزیرانی بەریتانیا کۆ بووەوە، دوای کۆبوونەوەکە، مەسرور بارزانی تویتێکی لە پێگەی تایبەتیی خۆی، لە تۆڕی کۆمەڵایەتیی (تویتەر) کردووە و دەڵێت: "دیدارم لەگەڵ بۆریس جۆنسن، سەرۆک وەزیران جێگای خۆشحاڵی بوو بۆ باسکردن لە بواری نوێی لە هاوبەشیی بەهێزماندا، سوپاسیم کرد بۆ دۆستایەتییەکەی لەگەڵ خەڵکی هەرێمی کوردستان و سەرکردایەتییەکەی لە ناوچەکە".
سەرۆک وەزیرانی هەرێمی کوردستان ئەوەشی خستووەتە ڕوو: "ئێمە ئەجێندایەکی هاوبەشمان هەیە و خواستمانە ببینین بارودۆخ لە سەرانسەری عێراق باشتر ببێت".