مووڵەتی جێبەجێکردنی پڕۆژە بە سەرمایەی نزیکەی ٥٨ ملیار دینار دراوە
لە ھەرێمی کوردستان ٩٤٠ پڕۆژە بە سەرمایەی نزیکەی ٥٨ ملیار دۆلار مووڵەتی جێبەجێکردنیان پێ دراوە و بەردەوامیش مووڵەتی نوێ لە ھەموو بوار و سێکتەرە جیاوازەکاندان دەدرێت.
بەپێی ئامارێکی دەستەی وەبەرھێنانی ھەرێمی کوردستان لە ساڵی ٢٠٠٦وە تا ئێستا ٩٤٠ پڕۆژە بە سەرمایەی ٥٧ ملیار و ٨١٧ ملیۆن دۆلار مووڵەتیان پێ دراوە و، ئەو زەوییەی بۆ ئەو پڕۆژانە تەرخان کراوە ٧٢ ھەزار دۆنمە .
بەپێی ھەمان ئامار، ٨٥%ی پڕۆژەکان لەلایەن وەبەرھێنەرانی ناوخۆییەوە جێبەجێ کراون و ٩% لەلایەن وەبەرھێنەری بیانی و، ٦%یش وەبەرھێنەری ناوخۆی و بیانی بە ھاوبەشیجێبەجێیان کردوون.
موخلیس سەلیم موراد، بەڕێوبەری گشتی دەستەی وەبەرھێنانی ھەرێمی کوردستان، ڕایگەیاند : ''لە ساڵی ٢٠٠٦وە تاوەکوو ئەمڕۆ مووڵەتمان بە ٩٤٠ پرۆژەی جۆراوجۆر داوە کە لە ھەموو سێکتەرەکاندان''.
موخلیس سەلیم موراد گوتیشی: ''ڕۆژانە مۆڵەتی نوێ بۆ جێبەجێکردنی پڕۆژە دەدەین، بەڵام هەموو پڕۆژەیەک ھەندێک ڕێکاری پێویستە تا تەواو دەبێت و دەست بەکار دەبێت، بۆیە لەسەر مووڵەتدان بە پڕۆژەکان بەردەوام دەبین''.