Kurdistan
پەنابەرێکی کورد لە کەمپێکی پەنابەرانی لۆکسمبۆرگ کوژرا
پەیامی کورد... پەنابەرێکی کورد لە کەمپێکی پەنابەرانی لۆکسمبۆرگ کوژرا
گەنجێکی خەڵکی کەرکوک لە کەمپێکی پەنابەران لە وڵاتی لۆکسمبۆرگ لەلایەن چەند کەسێکەوە هێرشکرایە سەری و کوژرا.
دوو رۆژ لەمەوبەر گەنجێکی خەڵکی شاری کەرکوک لە کەمپێکی پەنابەران لە وڵاتی لۆکسمبۆرگ لەلایەن چەند پەنابەرێکی دیکەوە بە چەقۆ هێرشکراوەتە سەری و بە سەختی بریندارکراوە، درەنگانی شەوی رابردووش لە یەکێک لە نەخۆشخانەکانی ئەو وڵاتە گیانی لەدەستداوە.
گەنجەکە ناوی هەڵۆ جەبارە، لەدایکبووی ساڵی 1997 ە، پێش کۆچکردنی بۆ ئەوروپا لە سلێمانی دانیشتووە و کاری چاککردنەوەی سەتەلایتی کردووە.
لە چەند رۆژی رابردوودا دوای ئەوەی لەسەر یاری تۆپی پێ لەگەڵ چەند پەنابەرێکی ئەفغانی و پاکستانیی لێیان دەبێتە شەڕ چەند چەقۆیەکی لێدەدەن و برینداری دەکەن.