ئەنەکسە ئەمڕۆ دوا بریاری خۆی دەدات
پەیامی کورد ... ئەندامێكی ئەنجوومەنی نیشتیمانی كورد لە سووریا "ئەنەكەسە" گوتی، ماوەی چەند رۆژێكە گفتوگۆ لە هەولێر دەكەن بۆ ئەوەی بۆ سەر هەموو ئاستەكان ئامادە بن و داواكارییەكانی خۆشیان ئامادە بكەن، هەم بۆ گفتوگۆكردن لەگەڵ تەڤدەم و دەستووری سووریا و هەمیش بۆ هەردوو كۆنگرەی ئاستانا و كۆنگرەی ژنێف نۆ، كە ئەمڕۆش دوایین بڕیاری خۆیان دەدەن.
نەواف حەسەن، ئەندامێكی ئەنجوومەنی نیشتیمانی كورد لە سووریا "ئەنەكەسە" رایگەیاند : ماوەی چەند رۆژێكە لە شاری هەولێر ئەنەكەسە گفتوگۆ دەكات بۆ ئەوەی بەرنامە و كارنامەی خۆی ئامادە بكات بۆ قۆناغی داهاتوو لەسەر هەموو ئاستەكان و، چوونیشیان بۆ توركیا و گفتوگۆكردن لەگەڵ پەیەدە، لەسەر دەستپێشخەری ئەمەریكا و مەزڵوم عەبدی بۆ یەكڕیزیی كورد لە سووریا بووە سەبارەت بە كۆنگرەی ئاستانە لە 10ی مانگی داهاتوو و كۆنگرەی ژنێف نۆ و دەستووری نوێی سووریا.
ئەو سەركردەیەی ئەنەكەسە گوتیشی، ئەمڕۆ ئەنەكەسە دواكۆبوونەوەی خۆی ئەنجام دەدات و بڕیاری كۆتایی لەبارەی هەموو پرسەكانەوە دەدات و، لە داهاتووشدا بەپێی ئەو بەرنامە و كارنامەیەی ئەمڕۆ پەسەند دەكرێت، كار دەكات.