کۆنفرانسی ئابووری هەرێمی کوردستان دوای کۆرۆنا بە شێوەی ئۆنلاین بەڕێوە دەچێت

پەیامی کورد ... کۆنفرانسی ئابووری هەرێمی کوردستان دوای کۆرۆنا بە شێوەی ئۆنلاین بەڕێوە دەچێت

بڕیارە ئەمڕۆ و سبەینێ سێشه‌ممه‌ ٢٤ی تشرینی دووه‌می ٢٠٢٠، بە شێوەی ئۆنلاین بە بەشداری بەرپرسانی باڵای ئەمریکا و هەرێمی کوردستان و ئەو کۆمپانیا ئەمریکیانەی کە لە هەرێمی کوردستان وەبەرهێنان دەکەن كۆنفرانسەكە بەرێوەبچێت و تاوتوێی چۆنیەتی پەرەپێدانی گەشەی ئابووری لە هەرێمی کوردستان، هەلی وەبەرهێنان لە هەرێمی کوردستان، گرنگیپێدان بە ئاسایشی خۆراک ئایندەی پەیوەندییەکانی ئەمریکا و عیراق لە بواری وزە بكرێت.

بەگوێڕەی راگەیاندراوێکی نوێنەرایەتی حکومەتی هەرێمی کوردستان لە واشنتن، مەسرور بارزانی، سەرۆک وه‌زیرانی هه‌رێمی كوردستان هاوڕێ لەگەڵ بەرپرسانی باڵای ئەمریکا تێبینی و خواستی بەشداربووان تۆمار دەکات و بەشداری لە گفتوگۆکان دەکات.

به‌هۆی ڤایرۆسی كۆرۆنا و دابه‌زینی نرخی نه‌وته‌وه‌، هه‌رێمی كوردستان دووچاری قه‌یرانێكی قووڵی دارایی بووه‌ته‌وه‌ و به‌جۆرێك كه‌ تا ئێستا نه‌یتوانیوه‌ مووچه‌ی مانگی 10 فه‌رمانبه‌ران دابه‌ش بكات، جگه‌ له‌وه‌ی كه‌ مووچه‌ی پێنج مانگیش له‌م ساڵدا پاشه‌كه‌وت كراوه‌.