ڕاوێژکارێكی سەرۆکی هەرێم سەبارەت بە پێکهێنانی حکوومەتی عێراق پەیامێک بڵاو دەکاتەوە
راوێژکارێكی سەرۆکی هەرێمی کوردستان رایگەیاند، لایەنەکانی هەرێم بەکارنامەیەکی هاوبەشەوە دەچنە بەغدا و بەشداری له حكوومهتی داهاتوی عێراق دهكهن، بەڵام بۆ یەکلاییکردنەوەی پێکهێنانی حکوومەت نابنە لایەنگری هیچ لایەنێک.
دڵشاد شههاب، راوێژكاری سهرۆكی ههرێمی كوردستان بە رۆژنامەنووسانی راگەیاند، پارتی و یەکێتی بۆ بەشداری له حكوومهتی داهاتووی عێراق کار لەسەر کارنامەیەکی هاوبەش دەکەن، هەروەها لایەنەکانی هەرێم رۆڵیان دەبێت لەپێکهێنانی حکوومەتی نوێی عێراقدا بەڵام نابنە لایەنگری هیچ لایەنێک.
لەبارەی کشانەوەی هێزەکانی ئەمریکا و هاوپەیمانانیش لەکۆتایی ئەم مانگەدا ووتی، " ئەمریکا پشت لە هەرێمی کوردستان ناکات و بەردەوام دەبێت لە پاڵپشتیکردنی، بەڵام ئەرکی هێزەکانی ئەمریکا بۆ راوێژکاری و راهێنان دەگۆڕێت".
راوێژكاری سهرۆكی ههرێمی كوردستان ئەوەشی خستەڕوو، واشینتۆن بەڵێنی داوە کە بەردەوام دەبێت لەپشتیوانیکردنی ههرێمی كوردستان.