چواردەهەمین پێشانگای نێودەوڵەتی کتێب لە هەولێر دەکرێتەوە

پەیامی کورد  ...    چواردەهەمین پێشانگای نێودەوڵەتی کتێب لە هەولێر دەکرێتەوە .

بڕیار وایە ڕۆژی چوارشەممە ٣-٤-٢٠١٩، چواردەمین پێشانگای نێودەوڵەتی کتێب لە شاری ھەولێر بکرێتەوە و نزیکەی دوو ھەفتە بەردەوام دەبێت.

ھەردی عومەر، بەڕێوەبەری پیشانگای نێودەوڵەتی کتێبی ھەولێر، ڕایگەیاند : "ئێستا ھەموو ئامادەکارییەکان بۆ کردنەوەی پێشانگاکە لە ١٣ی ئەم مانگەدا کراون."

چواردەمین پێشانگای نێودەوڵەتی کتێب لە شاری ھەولێر بەڕێوە دەچێت و، ٢١ ووڵاتی دەرەوە و ٣٠٠ دەزگای چاپ و بڵاوکردنەوەی کتێب تێیدا بەشدار دەبن.
ناوبراو گوتیشی: "٥٠ دەزگای بیانی و ٢٠٠ دەزگای عەرەبی و ٤٠ دەزگای کوردی لە پێشانگاکەدا بەشداری دەکەن."

هەردی عومەر ئاماژەی بەوەش کرد: "نزیکەی یەک ملیۆن کتێب نمایش دەکرێن، ڕێگری لە ھەموو ئەو کتێبانە کراوە کە بیری تووندڕەوی بڵاو دەکەنەوە."
شایانی باسە ڕۆژانە چەندین چالاكی جۆراوجۆری ڕۆشنبیری بە بەشداری نووسەران و ڕۆشنبیرانی ناوخۆ و دەرەوە لە پێشانگەکەدا بەڕێوە دەبرێن.