‎رژێمی ئەنقەرە، عەرەب و توركمانەكان لەعەفرین جێنشین دەكات

‎لە پێناو گۆڕینی دیمۆگرافیای شاری عەفرین، رژێمی تورکیا (١٣٠) ھەزار عەرەب و تورکمان رەوانەی عەفرین دەکات.

‎ سەرچاوەکانی رۆژئاوای کوردستان ئاشکرایان کردووە، کە تورکیا ھەوڵی جێگیرکردنی ھەزاران خێزانی عەرەب و تورکمان دەدات لەناو شاری عەفرین، بە ئامانجی ئەوەی دیمۆگرافیای شارەکە بگۆڕێت کە پێش داگیرکارییەکانی تورکیا زۆرینەی دانیشتووانەکەی کورد بوون.
‎ماوەی رابردووش، کلاودیا رۆت، جێگری سەرۆکی پەرلەمانی ئەڵمانیا ھۆشداری دابووە "رەجەب تەیب ئەردۆغان"ی سەرۆکی تورکیا لە بەزۆر ناردنەوەی ئاوارە سورییەکان لە تورکیاوە بۆ وڵاتـەکەیان و رایگەیاند: تورکیا لەرێی بەزۆر ناردنی خێزانە عەرەبە سورییەکانی و بۆ عەفرین، ھەوڵی گۆڕینی دیمۆگرافیای شارەکە دەدات.