پیرۆزبایی مەسرور بارزانی لە سەرۆک بارزانی

پەیامی کورد... پیرۆزبایی مەسرور بارزانی لە سەرۆک بارزانی

مەسرور بارزانی، لە یادی 61 ساڵەی بوونی سەرۆک مەسعود بارزانی بە پێشمەرگە، لە پەیامێکدا پیرۆزبایی لە سەرۆک بارزانی و پێشمەرگەکانی کوردستان دەکات و دەڵێت: لەم رۆژەدا داواکارم خوای گەورە تەمەن درێژی بکات و ئێمەش لە ئاست متمانەی جەنابی سەرۆک بین.

لە پەیامی مەسرور بارزانی سەرۆکی حکومەتی هەرێمی کوردستان هاتووە: "ئەمڕۆ 61 ساڵە جەنابی سەرۆک بارزانی لە رێگەی رزگاری و ئازادیخوازی کوردستان پێشمەرگەیە. پیرۆزبایی لە جەنابیان و پێشمەرگەکانی کوردستان دەکەم. لەم رۆژەدا داواکارم خوای گەورە تەمەن درێژی بکات و ئێمەش لە ئاست متمانەی جەنابی سەرۆک بین".

سەرۆک مەسعود بارزانی، له‌ 20ی ئایاری ساڵی 1962 وه‌كو بچووكترین پێشمه‌رگه‌ له‌ڕووی ته‌مه‌نه‌وه‌ به‌شداری له‌ شۆڕشی ئه‌یلوولدا كردووە، له‌ ژیانی پێشمه‌رگایه‌تیدا سه‌ركردایه‌تی و رۆڵی باڵای له‌ نووسینه‌وه‌ی چه‌ندین ده‌ستكه‌وت و داستانی مێژوویی و به‌ناوبانگی كوردستاندا هه‌بووه‌.

سەرۆک بارزانی، بەدرێژایی تەمەنی سیاسی و پێشمه‌رگایه‌تی هەمیشە جەختی لەوە کردووەتەوە، ئەو پێشمەرگەیەکی کوردستانە و ئەم پلەیەشی لەلا لە هەموو پۆست و پلەیەک گەورەتره‌، چه‌ندینجاریش دووپاتیكردووه‌ته‌وه‌، له‌ژیانی ئه‌ودا 20ی ئایار یادەوەرییەکی پرشنگدارە و پەیوەندیکردنی بە ریزەکانی پێشمەرگە هەمیشە سەرچاوەی گەورەترین شانازیی بووە.