سەرۆك بارزانی پێشوازی لە ئیسماعیل بێشكچی و شاندی یاوەری دەكات
پەیامی کورد ... ئەمڕۆ شەممە ٣٠ـی ١١ـی ٢٠١٩ سەرۆك مەسعود بارزانی پێشوازی لە دۆستی كورد و كۆمەڵناس و زانای ناوداری تورك، دكتۆر ئیسماعیل بێشكچی و شاندێكی یاوەری كرد كە پێكهاتبوو لە ئەندامانی وەقفی بێشكچی لە هەرێمی كوردستان.
لە دیدارەكەدا سەرۆك بارزانی سوپاسی هەڵوێستی ئیسماعیل بێشكچی كرد لەبەرامبەر دۆزی ڕەوای گەلی كوردستان و پێزانینی هەبوو بۆ بیربۆچوون و چالاكییەكانی بۆ پشتیوانیكردنی داواكاری و مافەكانی خەڵكی كوردستان و بە دۆستێكی مەزنی گەلی كوردی وەسفكرد. هەروەها وێڕای پرسیاركردنی لە باری تەندروستی هیوای سەلامەتی و تەمەندرێژی بۆ خواست.
لە بەشێكی تری ئەو دیدارەدا ئیسماعیل بێشكچی بیروبۆچوونی خۆی لەبارەی بارودۆخی هەنووكەیی ناوچەكە و هەڕەشە و تەحەددیاتی بەردەم گەلی كوردستان بە سەرۆك بارزانی ڕاگەیاند و داوایشی كرد سەركردایەتیی سیاسیی كورد بە وردبینییەوە مامەڵە لەگەڵ پێشهاتەكان بكەن.
هەر لەو دیدارەدا شیكردنەوەیەك لەبارەی بەرنامە و كار و چالاكییەكانی وەقفی بێشكچی لە هەرێمی كوردستان بۆ سەرۆك بارزانی خرایە ڕوو.