ئاسایشی سلێمانی لە ڕاگەێندراوێکدا دەست بە سەرداگرتنی یەک کۆنتێنەر هێلکەی لە سنووری باشماخ ڕاگەیاند
پەیامی کورد ... بهڕێوبهرایهتى ئاسایشی سلێمانی رایگەیاند : له سنووری باشماخ سهر به پێنجوێن دوێنێ دەستیان بەسەر یهك كۆنتێنهر هێلكهدا گرتوە، کە هێنراوەته ناو ههرێمى كوردستان، لەکاتێکدا كه بهپێی بڕیار و ڕێنماییهكان هێنانى هێلكه قهدهغهیه.
بهڕێوبهرایهتى ئاسایشى پارێزگاى سلێمانى لە راگەیندراوێکدا رایگەیاندوە، بهمهبهستى نههێشتن و بنبڕكردنى ههموو جۆره مهوادێكى قهدهغهكراو ڕێگا پێنهدراو، بهمهبهستی پاراستنی تهندرووستی هاووڵاتیانى ههرێمى كوردستان، هێزهكانیان توانیان دوێنێ دووشەممە لە سنووری باشماخ سهربه پێنجوێن دهستبگرن بهسهر بڕی 20 تهن و 800 كیلۆ هێلهكهدا.
ئاماژە بەوەشکراوە، هێلکەکە له ئۆتۆمۆبێلى جۆرى كۆنتێنهردا باركرابوو هێنرابونه ناو ههرێمى كوردستان، كه بهپێی بڕیار و رێنماییهكان هێنانى هێلكه قهدهغهیه و نابێت بهێنرێـته ناو ههرێم و ڕێگا پێدراو نییه.
لە راگەیندراوەکەی ئاسایشی سلێمانیدا هاتوە، دهست بهسهر بارههڵگرهكهو بارهكهشیدا گیراوە بۆئهوهى ڕهوانهى بهڕێوهبهرایهتى پۆلیسى گومرگ بكرێت بۆ گرتنهبهرى ڕێكارى یاسایی.