Kurdistan
شەپۆلێکی خۆڵبارین عێراق و هەرێمی کوردستان دەگرێتەوە
پەیامی کورد... شەپۆلێکی خۆڵبارین عێراق و هەرێمی کوردستان دەگرێتەوە
بەپێی پێشبینییەکانی دەستەی کەشناسی عێراق ئەمڕۆ یەکشەممە شەپۆلێکی خۆڵبارین ناوچەکانی ناوەڕاست و باشووری عێراق دەگرێتەوە، دەشڵێت، "ڕەنگە لە دوو ڕۆژی داهاتوودا خۆڵبارینەکە بگاتە هەرێمی کوردستانیش".
ئەمڕۆ یەکشەممە ٢٩ی ئایاری ٢٠٢٢، دەستەی گشتی کەشناسیی و بوومەلەرزەزانیی عێراق ڕاگەیەندراوێکی بڵاو کردووەتەوە و تێیدا هاتووە، پێشبینی دەکرێت، ئەمڕۆ یەکشەممە لە چەند ناوچەیەکی ناوەڕاست و باشووری عێراق، خۆڵبارین دەست پێ دەکاتەوە و پلەکانی گەرماش بەرز دەبنەوە و ڕەنگە ڕۆژی دووشەممە و سێشەممە هەرێمی کوردستانیش بگرێتەوە.
ئەمساڵ چەندین شەپۆلی خۆڵبارینی چڕ هەرێمی کوردستان و عێراقی گرتووەتەوە و بە هۆییەوە چەندین کەس بارودۆخی تەندروستییان تێکچوو ڕەوانەی نەخۆشخانە کران بۆ وەرگرتنی چارەسەر.