تاقە کوڕەکەم ئەدرێ لە دار

شاعێری گەورەی سەدە جەلال مەلەکشا هەر چەندەی لە تەندرووستییەکی زۆر خراپدا ژیان بە سەر دەبات بەڵام تێکۆشەرانی وولاتەکەی لە بیر ناکات و وەکوو پشتیوانی و دەربڕینی ناڕەزایی شێعرێک لە زار دڵی دایکی ڕامین حسێن پەناهی دەنووسیت و پێشکەشی ئەو دەکات و وا دەنووسێت :

 " تاقە کوڕەکەم ئەدرێ لە دار "

ئێوارەیە

نە مالگ دیارە نە خۆرەتاو

لە بناری شەقامێکدا

پیرەژنێکی قژ هەڵقرچاو ، ئەڕوانیت بۆ زیندانی شار

هەر کەس دیت و ڕادەبوێریت ، پارەیەکی بۆ فڕێ دەدات

پیرەژن لە ناکاو ئەقیژێنێت و هاوار ئەکات

ئای خەڵکینە من سواڵکەر نیم !

من دایکی ئەم نیشتمانەم

ئەزانن بۆچی دەڕوانم بۆ زیندانی شار

سبەینێ بەر لە شەفەق تاقە کوڕەکەم

ئەدرێت لە دار !

جەلال مەلەکشا بۆ دایە شەریفە