تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە
پەیامی کورد ... تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە
وەزارەتی تەندرووستی حکوومەتی هەرێمی کوردستان رایگەیاند، ٥٣٠ کەسی دیکەی تووشی ڤیرووسی کۆرۆنا بوون و ٢١ کەسیش بەهۆی ڤیرووسەکەوە گیانیان لەدەستداوە، هاوکات ٣٢٩ کەس چاکبوونەتەوە و ڤیرووسەکەیان پەڕاندوە.
وەزارەتی تەندرووستی حکوومەتی هەرێمی کوردستان لە راگەێندراوێکدا بڵاویکردەوە، لە ٢٤ کاتژمێری رابردوودا ٥٣١٠ پشکنینی تایبەت بە کۆرۆنا لە پارێزگاکانی هەرێم کراون و لە ئەنجامدا ٥٣٠ تووشبووی پەتاکە تۆمارکراون کە زۆرترین ژمارەیان لە سنوری پارێزگای دهۆک بوون.
ئەوەش هاتوە، لەو ماوەیەدا ٣٢٩ کەس چاکبوونەتەوە و ٢١ تووشبووش گیانیان لەدەستداوە.
تائێستا لە هەرێمی کوردستان ٩٢ هەزار و ١٠ کەس تووشی کۆرۆنا بون، لەو ژمارەیەش ٥٦ هەزار و ٦٤٧ کەس چاکبوونەتەوە و دوو هەزار و ٩٣٤ کەسیش گیانیان لەدەستداوە.