عێراق پێشوازی لە کوشتنی زەواهیری دەکات
پەیامی کورد... عێراق پێشوازی لە کوشتنی زەواهیری دەکات
عێراق پێشوازی لە کوشتنی ئەیمەن زەواهیری سەرۆکی ڕێکخراوی ئەلقاعیدە دەکات.
لە ڕاگەیەنراوێکدا نووسینگەی قاسم ئەعرەجی ڕاوێژکاری ئاسایشی نەتەوەیی عێراق بڵاوی کردووەتەوە، ئەعرەجی و ئەلینا ڕۆمانۆسکی باڵیۆزی ئەمریکا لە عێراق کۆبوونەتەوە و تێیدا ڕایگەیاندوە، عێراق پێشوازی لە کوشتنی زەواهیری دەکات بەردەوامی فشار خستنە سەر ڕێکخراوەکانی داعش و ئەلقاعیدە پێویستن تا جیهان خاڵی بێتەوە لە ئاشوبی تیرۆرو تاوانەکانیان.
ئەعرەجی وتوشیەتی: عێراقییەکان توانایان هەیە چارەسەری کێشە سیاسییەکانی خۆیان بکەن، چونکە کێشەیەکی ناوخۆیی عێراقییەکانە و کارکردن بۆ هێورکردنەوەی دۆخەکەش لە چوارچێوەی گفتوگۆیەکی عێراقیاندا ڕێگر دەبێت لە ڕشتنی خوێنی عێراقییەکان و پارێزگاری دەکات لە یەکپارچەیی خاکەکەی.
لەلایەن خۆشییەوە ڕۆمانۆسکی ڕایگەیاندوە، وڵاتەکەی خوازیارە حکومەتێکی بەهێزی عێراقیانە پێک بهێنرێت کە توانای پارێزگاریکردنی سەروەرییەکەی هەبێت و بەڕووی کۆمەڵگەی نێودەوڵەتیدا کراوە بێت، ئەمریکاش دەستوەردان ناکات لە بژاردەکانی گەلی عێراق و تەنیا بۆ عێراقییەکان خۆیانی بەجێ دەهێڵێت.